Ema i Nikola su pitali svoju prababu da im reče šta je najviše kuvala. „Najviše smo jili ribe, jer mi je muž lovija“, kaže baba Lipa. „Ajde reci mi kako si ti baba kuvala ribu? Jesi je pekla ili lešo, ajde reci mi?“ – upita je Ema. „Na lešo ili brujet“, a onda ugleda Nikolu za stolom i oštro mu ka svaka prava baba reče: „A ča ti ne jiš to, vidi ga! Nikola joj spremno odgovara: „Jist ću ja, jiden ja baba.“ Tek tada, kad je sigurna da mali jide, odgovara na Emino pitanje: „A čuješ, lešo je za bolesnika, ali ja nisan volila lešo, ja san naviše volila brujet. Lipo očistiš ribu i baciš je u uje i kapule i to ti je najglavnije, ne triba ti drugo ništa. Ne moreš mećat patadu pa da odnese slador, nego bez kumpira, samu ribu i baciš petrusimul i konšervu. „Sve ti to baba znaš“ – zaključi Ema, a baba koja ima čak 92 lita kazuje: „Sve san ja to prije znala, a sad je gotovo.“ Pa draga naša baba Lipa, želimo ti još puno lipih brujeta i još puno godina u zdravju i veseju.
Kazivala: Lipa Pavičin
Zapisala: Ema Škrobica